Oh Embolo, oh Embolo, werum machsch äsone Mischt.
S’Spüu isch so guet gloffe gsii, doch plötzlech het äs zischt
Mir hei’s Trikot agleit, s’Bier parat
Zum grosse WM Spüu
Singe d‘Hymne vorem Start
Und Argentinie macht hüt nid z’vüu
McAllister macht’s Eis zu Nuu
Mit Köpfchen macht är d‘Brügg
Doch Ndoye schiesst dr Usglich i
Und d’Schwiiz isch wieder zrügg!
D’Stimmig stiigt ir Schwiizer Stube
Plötzlech si aui wach
Mir drücke d‘Düme, gumpen ume
Und mache richtig Krach
Doch denn passierts….
Dr Embolo macht ä Schwalbe und dr Schiri merkt nüt dervo
Es git ä roti Charte, d’KI het dr Fall übernoh
Oh Embolo, oh Embolo, werum machsch äsone Mischt.
S’Spüu isch so guet gloffe gsii, doch plötzlech het äs zischt
Mir si vou Füur und Flamme gsii,
Im Spüu gäge Argentinie.
Sone Chance chunnt nid oft verbii
Doch s’VAR haut üs eine ine…
Dr Embolo macht ä Schwalbe und dr Schiri merkt nüt dervo
Es git ä roti Charte, d’KI het dr Fall übernoh
Oh Embolo, oh Embolo, werum machsch äsone Mischt.
S’Spüu isch so guet gloffe gsii doch plötzlech het äs zischt
Jetzt schribe mir üs d’ Finger wund
I dr Social Media
jede kennt ä nöie Grund
Für das WM Drama
Du Embolo, Du Embolo, ä Dummheit cha passiere
Mir hei di aber trotzdem gärn und tües nomou probiere…