I ha ds Fänschter ufgmacht wüu’s
hüt z’Nacht im Zimmer z’heiss isch gsi
Doch ä Muggä isch cho z’flüge
Und sie het mi gstoche glii
Di ganzi Nacht han i se gsuecht
Und im Zimmer umegfluecht
Ha kes Oug zueta u dänkt dä Summer isch verruecht!
I bi sofort zu Galaxus
Ha ä chlini Chüelig bstöut
Aber alli hei di glich Idee gha
än Alag häregstöut
Baud isch alles usverchouft
Um s’letschä Stück het me sech grouft
U am Obe het’s ir Schwiz
Us aune (Steck-) Dose groucht.
Plötzlich hei mir meh Strom bruucht
Aus üsi Chraftwärk häregäh
Und drum hei mir us de Stousee
Vüu meh Wasser müessä näh
Glii si d’Seeä trochegleit
Und d’Turbine nümmä dräit
Und so plötzlich isch z’Europa
D’Sichrig usegheit.
Di DĂĽtsche hei sich furchbar ufgregt
D’Italiäner grad derzue
U au z’Frankriich isches dunku,
d’Spanier gäh eim gar kei Rueh
Alli hei sich drum beklaagt
Z’Bärn bi üsem Bundesrat
u dä het d’Usred
vom Klimawandel scho parat.
Ganz Europa het sich gstritte
Wäge Wasser, Strom und Hitz
Bi de Amis het me glachet,
Ohni Klima s’wär e Witz
Aui hei sich bi de Hoor gno
Wär isch eigentlech dra gschuld?
Dass dr Strom usgfaue isch
Vor luter Ungeduld.
I ha ds Fänschter ufgmacht wüu’s
hüt z’Nacht im Zimmer z’heiss isch gsi
Doch ä Muggä isch cho z’flüge
Und sie hät mi gstoche glii
Doch zum GlĂĽck hani vor Migros
Ă„ Muggespray startklar
Gott sei Dank dass I ha
DĂĽregschloofe wunderbar.